జూనియర్‌ లైన్‌మన్‌ ఫలితాలపై కీలక ఆదేశాలు జారీచేసిన ‘హైకోర్టు’

403

ఏపీలో గ్రామ, వార్డు సచివాలయాల్లో జూనియర్‌ లైన్‌మన్‌ పోస్టుల ఫలితాలకు సంబంధించి ఆంధ్రప్రదేశ్ హైకోర్టు ప్రభత్వానికి కీలక ఆదేశాలు జారీచేసింది. ఆంధ్రప్రదేశ్ వ్యాప్తంగా వివిధ సర్కిళ్లలో జూనియర్ లైన్‌మెన్ పోస్టులను భర్తీ చేయనున్నారు. వీటిలో 20 ఉద్యోగాలు మెరిట్ ప్రకారం మిగతా 80 శాతం ఉద్యోగాల్లో స్థానికులకు ప్రాధాన్యం ఇవ్వనున్నారు.

సెప్టెంబ‌రు 16 వరకు జూనియర్‌ లైన్‌మన్‌ ఫలితాలను ప్రకటించొద్దని హైకోర్టు న్యాయమూర్తి జస్టిస్‌ టి.రజని బుధవారం (సెప్టెంబ‌రు 11) మధ్యంతర ఉత్తర్వులు జారీచేసింది. తదుపరి విచారణను సెప్టెంబ‌రు 16కు వాయిదా వేశారు.

జూనియర్ లైన్‌మెన్ పోస్టులకు తమకు అర్హత ఉన్నప్పటికీ.. ఎంపిక ప్రక్రియకు తమను ఆహ్వానించలేదని కొందరు అభ్యర్థులు హైకోర్టును ఆశ్రయించారు. దీనిపై సెప్టెంబ‌రు 11న విచారణ జరిపి ఫలితాలు ప్రకటించకూడదని ఉత్తర్వులు జారీ చేశారు.

ఆంధ్రప్రదేశ్ లో 7,996 జూనియర్‌ లైన్‌మన్‌ (గ్రేడ్‌-2) పోస్టుల భర్తీకి ప్రభుత్వం నోటిఫికేషన్ ఇదివరకే విడుదల చేసిన సంగతి మనకు తెలిసిందే. వీటిలో ఏపీ సదరన్ పవర్ డిస్ట్రిబ్యూషన్ కంపెనీ లిమిటెడ్ (ఏపీఎస్‌పీడీసీఎల్‌)లో 5,107 పోస్టులు,
ఏపీ ఈస్టర్న్ పవర్ డిస్ట్రిబ్యూషన్ కంపెనీ లిమిటెడ్ (ఏపీఈపీడీసీఎల్)లో 2,859 పోస్టులు ఉన్నాయి.

జూనియర్ లైన్‌మెన్ పోస్టులకు అభ్యర్థుల నుంచి ఆగస్టు 2 నుంచి 17 వరకు దరఖాస్తులు స్వీకరించారు.
అభ్యర్థులకు సెప్టెంబరు 3 నుంచి 7 వరకు పోల్ క్లైంబింగ్, మీటర్ రీడింగ్, సైక్లింగ్ పరీక్షలు, సర్టిఫికేషన్ వెరిఫికేషన్ నిర్వహించారు.
షెడ్యూలు ప్రకారం సెప్టెంబరు 15న అభ్యర్థుల జాబితా ప్రకటించి, 16న నియామక పత్రాలు అందజేయాల్సి ఉంది. అయితే తాజాగా హైకోర్టు మధ్యంతర ఉత్తర్వులతో నియామక ప్రక్రియ ఆలస్యం కానుంది.

ఎంపిక విధానం..

  • మొత్తం 100 మార్కులకు మూల్యాంకనం ఉంటుంది.
    ఇందులో పదోతరగతికి 80 మార్కులు.
  • ఏపీ డిస్కమ్‌లలో ఇప్పటికే కాంట్రాక్ట్ ప్రాతిపదిక పనిచేస్తున్న అభ్యర్థుల సర్వీస్ అనుభవానికి 20 మార్కులు కేటాయించారు.
  • ప్రతి 6 నెలల కాలానికి ఒకమార్కు కేటాయిస్తారు.
  • మెరిట్ ప్రకారం ఎంపికైన అభ్యర్థులను 1 : 3 నిష్ఫత్తిలో పోల్ క్లైంబింగ్, మీటర్ రీడింగ్, సైక్లింగ్ పరీక్షలు, డాక్యుమెంట్ వెరిఫికేషన్ కోసం పిలుస్తారు.

LEAVE A REPLY

Please enter your comment!
Please enter your name here